صباح الخير ؛
كثير أنطلب مني هالموضوع مع أنو تكلمت عنه بتدوينه العودة للمدرسه لكن الغالب يبون بالتفصيل وأتكلم عن المنتجات اللي أستخدمها ورايي فيها , عموماً هذا ميك اب دايماً أسويه وممكن أضيف عليه اشياء على حسب المكان والزمان ولكن الأساسيات اسويها بشكل دائم .. خلونا نبدأ
فالبدايه أرطب وجهي وشفايفي , لازم ترطبين بشرتك + شفايفك قبل ما تحطين اي ميك اب وخاصه لو بتحطين فاونديشن بيطلع قشور وما راح يندمج معك اصلاً
اللي بالصورة كريم الوجه من أولاي : "تكلمت عنه بالانستقرام" يناسب جميع أنواع البشره خاصةً البشرة الدهنيه خفيف وما أحس أني في شي ثقيل على وجهي
مرطب الشفاه من بيزلين : المفضل عندي مهما غيرت ومهما جربت أرجع له "تكلمت عنه بالانستقرام"
- بي بي كريم | BB Cream
غارنير من اوائل الشركات اللي طلعت البي بي كريم والنسختين اللي قبل الاغلبيه يشتكي انها تطلع حبوب والخ
لكن من فترة طلعت "pure active" الخاصه للبشره المختلطه لدهنيه
حبيته صراحه خفيف ويعطي تغطيه بسيطه لكن تعطي شكل جميل للبشره والأهم
أنه ما طلع لي حبوب
بنظري ان البودرة أفضل شكلاً فالصباح وأرتب ولكن كل وحدة واللي يريحها <3
ابدأ احدد حاجبي من تحت وبعدين ابدأ من فوق من بداية الكسره لنهايه الحاجب وبعدين اعبيها من النهايه الى الأمام
ولما أوصل لبدايه الحاجب ارفع الفرشة على فوق عشان ما يعطي شكل مربع
الماسكرا من ايسنس ادمنتها بشكل تعطي فوليوم وكل شي أبيه موجود فيها
وبعدها أحط طبقه وحده من ماسكرا ميبلين عشان تعطي كثافه أكثر
واوقات اذا كان عندي وقت أخذ هالفرشه من ريل تكنيك وشدو بني وارسم على خط الرموش بديل للاي لاينر وأجمل فالصباح
هالبلاشر صار أدماني الأبدي مو طبيعي كيف لونه جميل على بشرتي مره أحبه ويعطني شكل مادري كيف
أوصفه لكن صار من الفيفرت والاساسيات بالنسبه لي
الروج الوردي اللي أستخدمه بكل الاوقات صباح ليل وبكل مكان بعد
من ريميل ودرجته "103"
المحدد الجميل جداً جداً واقعه بغرام هاللون ويني عنه من زمان ؟
من ماكس فاكتور
سواتش للأرواج :
وبكذا خلصت البوست
ما توقعت انو راح أطول عليه كذا خاصه نومي مقلوب واختبارات
غصبت نفسي وكتبته
أن شاء الله أكون أفدت الجميلات اللي طلبوه , تلقوني بالانستقرام والتويتر اضغطو على الزر يمين البلوق ويحولكم دايركت <3
ليست هناك تعليقات:
إرسال تعليق