السلام عليكم ورحمة الله وبركاته
بما أني نوعاً ما مهمله قسم السكِن كير "العناية بالبشرة" قلت أنزل بوست بما أن جددت منتجات للبشره وأرتحت عليها
نوع بشرتي دهنيه وأنا أحس من أسوء الانواع صراحه خاصه اكثر نوع معرض للمسام والحبوب وكيف تقدرين تتحكمين بالدهون
جربت منتجات كثير وأستقريت على هالبرودكتس
نبدأ بالميك اب ريموفر :
1- الميك ريموفر من بايوديرما :
أستعمله لوجهي أحبه لانه يمسح كله الميك اب تقريباً من ثاني مره أمسح وجهي يشيل الميك وجداً مرتاحه عليه
أما للعين مره ما عجبني عيني صارت توجعني وحمراء ودمعت .. أخر مره أستعمله للعين
على فكره الميك اب الريموفر اللي لونه أخضر زي اللي بالصوره مخصص للبشره المختلطه للدهنيه
والوردي للجافه والحساسه والعاديه
2- الميك اب ريموفر من ماركه نمبر 7
هو بالاساس غسول وكمان مُزيل بنفس الوقت من ناحيه الوجه مو ذاك الزود لكن العين جداً جداً مريح ويمسح من اول مره
واللي يساعد على انه يمسح الميك اب هو بالاساس لما تعصرينه يطلع رغوه وهذا اللي حببني فيه أكثر
2- الغسول
عارفين شعور بشرتكم نظيفه وناعمه ؟ بالضبط هذا اللي أحس فيه
واللي أحبه فيه انه رغوه لطيف جداً على البشره ما ينشف البشره ابدأ + يناسب البشره العاديه إلى الدهنيه
راح أضّل أستخدمه إلى ما ألقى غسول ينافسه وأفضل من مفعوله
أشتريته من صيدليه بوتس
2- غسول بايوديرما للبشرة المختلطة والدهنيه
هالغسول كان عاجبني وصرت أستخدمه يومياً بس نشّف لي بشرتي
وطلع قشور وصرت أستخدمه اذا صارت بشرتي دهنيه أو مره بالأسبوع
مو معناته أنه شيّن لا بالعكس حلو لكن ما ناسبنيمن ناحيه أستخدام يومي
كل هالغسولين أستعمل معهم كلارسونيك ميا 2 ومرتاحه عليها خاصه مع الغسول الأول بشرتي أحسها فعلاً نظيفه وناعمه
ممكن البعض يشوف ان سعرها مبالغ فيه لكن تستاهل كل ريال يندفع فيها
3- التونر
1- ماء الورد :
على كثر ما أستخدمت الا اني دايم أرجع له يناسب كل البشرات ومع الأستمرار راح تكون بشرتك فيها نظاره + صافيه
2- بخاخ الفيتامين C من the body shop
ما أستعمله كتونر أنما كَ ينعش بشرتي وأحس ببروده وريحته تعجبني لول
4- الترطيب
1- كريم النهار من نمبر 7
أفضل كريم نهار جربته بحياتي جداً خفيف وما يدَهن وعلى طول تتشربه البشره وحتى مع الوقت لو دهنّت بشرتي
يكون خفيف وما يعطي اللمعه المزعجه
2- كريم الليل من نمبر 7
اكسترا ترطيب ما قد مر علي كريم ترطيبه بطل وما يدهّن وتتشربه البشره على طول
مره عجبني واكيد راح ارجع اشتريه مره ثانيه اذا ما لقيت أفضل منه
3- كريم للعين من بايوديرما
واضح أني كارفته صح هههههههههه ؟ مره جميل وترطيبه كويس عموماً منتجات بايوديرما أشتروها وأنتم مغمضين
يرطب وبنفس الوقت خفيف جربت كم منتج عرفتو اللي أحس شي ثقيل أو يدّبق على عيني لكن هذا نتفه منه ترطب عينك
وبكذا خلص البوست أن شاء الله صاحبات البشره المختلطه/ الدهنيه يستفيدو من هالبوست
أنشرو رابط البوست لصحباتكم وأهلكم
Love u all
ليست هناك تعليقات:
إرسال تعليق